Pagka-praktikal lantawon sa mandatory RT-PCR test sa ospital

32

Davao City – Pabor ang Department of the Interior and Local Government Davao Region sa mando ni Mayor Inday Sara Duterte-Carpio nga i-require sa RT-PCR test ang mga pasyente ug mga watchers nga magpa-ospital.

Segun ni DILG-XI Director Alex Roldan nga mao kana ang gikinahanglan karon aron dili makuntamina sa kagaw ang mga pasyente, ang mga watchers, mga medical personnel, ug ang tibuok tambalanan.

“Sa tinuod lang isa na sa siya (RT-PCR test) sa pinaka-importante nga nakita nako tungod kay ang mga watchers man gud wala man gud ta kahibawo og asa na siya gikan ug mao na siya sa mga weak-points nga nakita nila nga una ka mag-watchers sa pasyente dapat limpyo ka pod apan ang gikinahanglan lang nato is tan-awon lang nato ang practicality,” segun ni Roldan

Matud ni Director Roldan nga dapat ang mga watchers dili na suguon og palit og tambal sa gawas panahon makasulod na sila sa ospital ingon masigurong limpyo ilang mga kaugalingon gikan pandemic virus.

Dili sa tanang panahon kinahanglan ang watchers kay naa ma’y mga nurse magmonitor sa mga pasyente busa dili babag ang RT-PCR test aron dili makapatambal ang mga kabus sa mga ospital.

Nasuta nga buot ni Mayor Inday Sarah Duterte-Carpio nga gawasnon sa COVID-19 ang ospital sa siyudad maong iyang gimando ang maong tests apan miani hinoon kini og nagkadaiyang reaksyon sa mga dabawenyo.

RadyoMaN Joel Viray




Facebook Comments