Pagkadelatar sa pipila ka proyekto sa LGU Gensan, gikadismaya sa usa ka konsehal

General Santos City–Dismayado si City Councilor Atty.Edmar Yumang ang chairman sa komitiba sa Peace And Order sa dakbayan sa mga proyekto sa syudad nga hangtod karong panahona wala pa nangahuman.

Matud pa ni Yumang nga mismo siya dugay ng gareklamo niining grabeng pagdelatar sa mga proyekto sa syudad gani mihatag pa kini ug privilege speech sa SP aron ipaabot nga ang mga programa sa lokal nga pang-gamhanan alang kini sa katawhan.

Gipaklaro sa opisyal nga ilahang ipatawag sa Sangguniang Panglungsod karong adalawā€™ng Miyerkules ang pipila ka buhatan sa lokal nga pang-gamhanan sa Gensan nga dunay kalabutan sa mga proyekto aron sayron ang hinungdan sa pagdelatar niini nga nakaapekto na sa interest sa katawhan.


Dugang asoy ni Kagawad Yumang nga dunay budget nga gigahin sa syudad alang sa mga proyekto pero nganong madelatar pa ang paghuman niini ilabi na sa may roundball sa palengke.

Sumala pa ni Yumang nga nadismaya siya sa mga opisyal sa engineering office gumikan sa walay gihimong aksyon ilabi na sa proyekto sa round ball nga gibiyaan na lang sa kontraktor nga ilaha man untang naagian.

Gipaklaro sa opisyal nga maghimo sila ug ordinansa aron malikayan na ang pagkadelatar sa mga proyekto ingon man sayron usab nila kung si kinsa man gayud ang utok sa pagka delay ang kontraktor ba o ang taga city engineering office.(Reynald Timario)

Facebook Comments