Pagkahugno sa bag-ong building sa San Miguel Corporation, giimbestigahan; upat ka tawo, samaran sa insedente

86

Makuting gi-imbestigahan sa top Management sa San Miguel Corporation ang pagka hugno sa gitukod nilang bag-ong building sa Santa Ana, Tagoloan, Misamis Oriental pasado alas dos kagahapon sa hapon.

 

Gusto sa tag-as nga mga opisyal sa SMB nga ilang masayran kung nganong nahugno ang  gitukod nga  building nga gitrabaho sa Gerona Construction nga nagbasi sa Davao City.

 

Atol sa maong insidente, upat ka mga tawo ang grabeng samaran nga mao silang Ronnie Jimenez, Fernando  Polison, Jovani Espida ug Alexander Maata.

 

Ang upat  ka mga biktima, polos laborer sa Gerona  construction nga parehong nadala sa Polymedic Hospital sa lungsod sa Tagoloan.

 

Matud ni Senior Inspector allan Oniana, Hepe sa Tagoloan Municipal Police Station nga  nagpadala usab siyag Police investigator aron paghimog parallel investigation sa  maong hitabo.

 

Gipasabot ni Oniana nga sa dihang nahugno ang construction sa bag-ong building sa San Miguel, miresponde dayon ang mga elemento sa Tagoloan Municipal Risk Reduction and Management office kay ilang gi-rescue ang mga biktima ug gidali pagdala sa hospital.

 

Ang planta nga gitukod sa SMB sa Tagoloan mao ang ilang ika duhang dakong planta sa San Miguel Corporation dinhi sa Mindanao sunod sa Davao City.

Facebook Comments