Pagkakas sang Philhealth sa accredition sang duha ka mga pribado nga hospital sa Koronadal, indi tama….suno kay Governor Tamayo.

Indi tama kag indi kontento si South Cotabato Governor Reynaldo Tamayo Jr., nga ang miyembro ang magsakripisyo sa ginhimo nga aksyon sang Philhealth nga pagkakas sini sa acrredition sang Allah Valley Medical Specialist Center kag Dr. Arturo Pingoy Medical Center dire sa syudad sang Koronadal.
Suno sa gobernador may iban man nga pamaagi nga mapapanaugan sang pinalidad ang hospital kag ang doctor nga imbolbado sa anomalya ang i-reprimand.
May-angot sini, ginalauman ni Governor Tamayo nga maresolber subong nga bulan ang nasambit nga problema kag indi dapat ang mga miyembro sang Philhealth ang magsakripisyo.
Ginsiguro man sang opisyal ang paghatag sang ayuda sa mga pasyenti nga taga-probinsya nga nagapadialysis kag maadmitir sa nasambit nga mga balay bululngan.

Facebook Comments