Pagkamatay Sa Room Boy Sulod Sa Lodging House Nga Iyang Gi-Trabaho-An Dili Pa Matino Kun Aduna Bay Foul Play O Wala

11

Dili pa makahatag ug tukmang detalye ang kapulisan sa presinto 5 labot sa posibleng hinungdan niadtung lalaki nga nakaplagang patay sulod sa lodging house kagahapong adlawa. Subay sa gihimong imbestigasyon ni PO1 Andrew Sumaylo, nasayran nga kasikas nalang sa kwarto kun asa nakit-ang nagbuy-od ang biktima ang namatikdan sa kauban niini nga wala damha ang maong panghitabo.

Gibutyag ni Sumaylo nga masuta lamang ang kamatu-oran sa posibleng hinungdan sa kamatayon sa biktima kun ipa autopsy sa mga pamilya ang patay’ng lawas niini. Naila ang biktima nga usa ka roomboy sa maong lodging house, 32 anyos ug taga-zone 3 barangay del Carmen kinsa giila sa iyang pangalan nga si Roldan Jaromat.

Gi-angkon ni Police Investigator Sumaylo nga lisod ma-trace ang suspect sa nasangpit nga panghitabo sanglit walay CCTV camera ang lodging house nga gi-trabaho-an sa namatayan ng biktima. (RMN DXIC ILIGAN/GHINER CABANDAY)

Facebook Comments