Pagkasikop sa Weather Monitoring Chief sa PDRRMO, gikadismaya ni Misamis Oriental Governor Emano

17

Nadismaya pagmaayo si Misamis Oriental Gobernor Bambi Emano human nasayrang nadakpan si PDRRMO Weather Monitoring Chief Vergil Lago sa kapulisan tungod sa illegal nga druga.

Gumikan niini, wala mahinayon ang panagkita unta sa gobernador ug sa mga kalihim sa D-P-W-H ug D-A sa kauluhan tungod sa kontrobersya nga gikalambigitan ni Lago.

Tungod niini, gisaad sa maong opisyal nga dili na makabalik si Lago sa P-D-R-R-M-O ug iya kining ipaubos sa preventive suspension.

Samtang mas pahugtan pa ni Gobernor Emano ang himuong random drug testing sa tanang trabahante sa kapitolyo probinsyal.

Dugang sa gobernador nga kung kaniadto 70 lamang ka mga kawani ang gipaubos sa random drug testing, karon himuon niya kining 150.

Gisaad usab niining ipaubos sa drug testing ang tanang pangalang madunggang nalambigit sa ilegal nga druga tungod kay walay ayo ang mga tawong naggamit sa druga.

By: RadyoMaN Ellah Baculio

Facebook Comments