Pagkolekta sa basura, gisaway sa pipila ka residente sa Barangay 1

19

Gikasaway sa usa sa mga residente sa Barangay Uno ning syudad ang pamaagi sa pagkolekta sa basura ning dakbayan.

 

Matud niini nga nasayud siya nga maayo ang tumong sa gobyerno sa gipatumang segregation sa basura apan ang problema anaa sa operasyon.


 

Gipasabot niini ang mga garbage collector nga dili gaayuhon og tan-aw ang mga basura sa matag kolekta niini sa kabaranggayan.

 

Nasayran nga kung adunay basura nga dili masabtan sa mga kolektor, biyaan lamang kini bisan og gipanglangaw na ug gipang-ulod.

 

Gitubag ni Engr. Armen Cuenca sa City Local Environment and Natural Resourcers kon CLENRO ang reklamo sa pamaagi sa pagkolekta sa basura ning syudad.

 

Matud ni Engr. Cuenca nga ang mga malata nga basura angay ipagawas sa dili pa mag- alas sais sa buntag tungod kay magsugod na dayun ang pagkolekta niini hangtud sa alas dose sa udto.

 

Kung hisgutan usab ang dili malata, adunay pipila niini nga mapuslan pa kinsa ang barangay na ang magkolekta, sama sa botelya, karton ug plastic.

 

Apan ang dili malata nga dili na mapuslan kini ang kuhaon sa syudad.

Facebook Comments

From Advertisers