Pagkompetensya sang iban nga banwa sa Christmas decorations sang Surallah welcome kay Mayor Bendita.

Welcome para kanday Surallah Mayor Antonio Bendita kag Vice Mayor Pinky Divinagracia ang ginahimo sang iban nga banwa sa probinsya nga pagpasadya kag paghatag sang kalingawan sa mga pumuluyo subong nga selebrasyon sang paskwa paagi sa manami nga mga Christmas decorations.
Nahibaluan nga ang banwa sang Tampakan ang may- yara sang Christmas village kag 100 feet nga Christmas tree nga himo sa recyclable materials kag ang Koronadal City ang may-yara man sang 120 feet nga Christmas tree ugaling lang nabali nga wala pa natapos, apang sa subong ginatinguhaan naman nga matukod.
Suno kay Mayor Bendita nga bilang presidente sang League of Municipalities of the Philippines ukon LMP- South Cotabato Chapter nga nalipay kag ginapasalamatan niya nga may mga banwa nga nagasunod sa ginahimo sang Surallah agud mag-abot suno pa ang tion nga indi lang ang Surallah ang masadya kada Disyembre kundi ang bilog na nga South Cotabato.
Sa subong ang Surallah ang Christmas capital sang South Cotabato bangud sa Kasadya Christmas Festival kon sa diin sa bilog nga bulan nga Disyembre, may mga ginapatigayon nga aktibidad ang LGU upod ang mga partner agencies sini, mga eskwelahan kag establisemento komersyal