Pagkuha ug lisensya sa LTO, Strektuhan

31

General Santos City–Mas pahugtan pa karon sa LTO (Land Transportation Office) ang ilahang sistema alang sa pagkuha ug driver license. Tumong niini aron nga makonhuran ang disgrasya sa kadalanan nga sagad nagresulta sa pagkakalas sa kinabuhi sa motorista.

Sumala ni LTO Assistant Regional Director Robert Quinisala sa karon matud pa matingala sila nga dunay mga dili kwalipikado nga mokuha ug lisensya nga maka kuha hinungdan nga pag-abot sa kadalanan nagpatuyang lag padagan nga maoy hinungdan sa disgrasya.


Aron mapatuman ang road safety advocacy sa LTO ug sa goberno ilang Strektuhan ang pagkuha ug lisensya gikan sa SP ngadto na sa non professional ug professional drivers license.

Dugang pa niini nga aduna na matud pay bag-ong memorandum nga gipagawas ang LTO central office kabahin na sa bag-ng patakaran sa pagkuha ug lisensya ug sa karon gipa-abot nalang sa LTO Region-12 ang mga guidelines niini aron nga hingpit na kining mapatuman.

Basi matud pa sa memo number 2019-2176 nga gipakanaog sa LTO Central Office,nakalatid nga aduna nay mga accredited driving school ang mga LTO Offices nga nakakonekta sa ilahang central system kung asa ayha makakuha ug student permit o non professional drivers license gikinahanglan pa nila nga mag pailawom sa driving test kung asa 15 ka oras niini mao ang theoretical ug 8 hour ang practical.

Samtang dili usab mamahimong makamaniho ug sakyanan nga dili in line sa restriction code sa uas ka indibidwal, pananglitan , ang lisensya nga gihuptan sa usa ka indibidwal alang sa motorsiklo, dapat, motorsiklo lang ang manihuan niini ug dili kini mamahimong maka-drive ug 4 wheeled vehicle.Samtang alang sa automatic drive nga lisensya dili usab mamahimong maka drive ug manual apan kung ang lisensya sa usa ka holder 1234 mamahimo kinining makamaniho ug manual nga private vehicle ug motorsiklo.(Dave Silagan)

Facebook Comments