Pagnurture sa mga Education students sang WVSU, holistic suno kay Dr. Hilda Montaño

ILOILO – Ginkalipay ni Dr. Hilda ‘Pinky’ Montaño, Dean sang College of Education, West Visayas State University (WVSU) ang bag-o nga kadalag-an sang eskwlehan ilabi na ang pagpanguna sang iya mga estudyante sa bag-o lang naggwa nga resulta sang Licensure Examination for Teachers (LET).

Sa interview sang RMN Iloilo kay Dr. Montaño, ginpahayag sini nga ginatinguhaan sang WVSU, College of Education nga mahatag sa mga estudyante ang de kalidad nga mga manunudlo kag pagtudlo sa buluthuan.

“We try to provide the best education that we can by providing them very good faculty members nga naghalin hindi lang sa College of Education kundi naghalin man sa iban nga college such as College of Arts and Sciences, College of Pescar for the PE courses…” ang pahayag ni Dr. Montaño sa interview sang RMN Iloilo, Straight to the Point program.


Ginhatagan pagtamod ni Dr. Montaño nga holistic ang pagnurture sa mga estudyante agud mangin isa ka total package nga manunudlo sa pila ka adlaw.

“Ginanurture gid naton ang aton mga estudyante diri sa College of Education so that they will become total package— holistic ang ila development not only in terms of the cognitive domain but the affective and the behavioral as well and with the support of the administration.”

Nahibaluan nga nagtop sa Licensure Examination for Teachers (LET) ang mga estudyante sang WVSU nga sanday MARY CLARENCE GEPES MADERO, top 1 nga may rating nga 88.80 samtang ang #7 naman si MARIA VICTORIA LIONNE FULGENCIO HIERRO nga may 87.00 nga rating sa elementarty level.
Top 6 man sa Secondary si FRANZ IAN DOMINGUEZ SOLOMON nga may 91.80 nga rating.
Ang West Visayas State University nadala man bilang isa sa mga Top performing Schools sa bug-os nga pungsod sa LET Elementary sa diin nag-angkon ini sang pangkabug-osan nga 88.36%, ukon may nakapasar nga 258 sa 292 nga nagkuha sang pasinawan.

Panugyan ni Dr. Hilda Montaño sa mga graduates kag passers sang WVSU, ikabuhi ang core values sang eskwlelahan.

” Ang amon lang ginapanugyan nga himuon nila ang ila nga masarangan and do the thing excellently. Ginaremind ko gid ang akon nga mga graduatesthat they will live according to the values of the university which are service, harmony and excellence. Hindi lang enough thay they have the knowledge and the skills but most especially kinahanglan nga mangin well grounded sila in terms of their moral uprightness, having positive values and high sense of professionalism. Ang pagka-maestra isa ka noble profesison.”

Facebook Comments