PAGPABILIN SA SUNDAY LOCKDOWN UG CURFEW, DESISYON SA LOCAL IATF SUMALA KANG MAYOR RIVERA

14

General Santos City–Giklaro ni Gensan City Mayor Ronnel Rivera nga sa implementasyon sa Modified General Community Quatantine (MGCQ) sa Gensan, ilaha lang ginatuman ang guidelines gikan sa National IATF.

Saysay niya nga sa karon, bisan kinsa ang pwede ng mugawas o musulod sa gensan basta essential ang transaksyon ug dapat adunay contact tracing apps sama sa tapat, South Cotabato CTS ug Malungon contact tracing apps.

Tumong niini aron nga paspas ang pagpahigayon ug contact tracing kung asa sa Gensan aduna nay mga estbalishemento ang nagagamit na ug QR Code Scanner.

Gibutyag usab ni Mayor Rivera nga sa pagpabilin sa sunday lockdown ug curfew gikan alas 10 sa gabii ngadto na alas 4 sa kadlawon, kini ang desisyon sa local IATF.

Tumong matud pa sa maong lakang aron nga malimitahan ang lihok sa katawhan tungod nagpabilin gihapon ang bahad sa covid hilabina nga nagkataas ang kaso tungod sa local transmission.

Busa panawagan niini sa publiko nga mag-cooperate ug tabangan ang gobyerno tungod ang pagbatok sa covid, dili lang sa reposibilidad sa lokal nga panggamhanan kundili mas magdepende kini sa disiplina sa katawhan.(LVR)

Facebook Comments