Pagpahigayon og checkpoint sa mga hilit nga barangay sa dakbayan gitinguha sa kapulisan sa syudad sa Malaybalay

Giklaro karon sa kapulisan ning dakbayan sa malaybalay nga lakip sa ilang mga tinguha nga maimplementar nga programa para karong tuiga mao ang pagpahigayon sa mga checkpoint sa hilit nga mga barangay nga sakop ning dakbayan.

Kini ang giklaro ni PLTCOL Ritchie Anoy Salva sa Malaybalay City Police Office human gi klaro niini ang mga programang gi han-ay para mapabilin ang kahapsay ug kalinaw sa syudad.

Nasayran nga gi require sila nga magpahigayon sa check point ka duha sa usa ka adlaw para sa internal guidance sa kapulisan ug lahi usab niini ang pagpatuman sa usa ka comelec checkpoint alayon sa kamando-an sa nag singabot nga pinili-ay.

Ang maog mga checkpoint strategic sumala pa kini nga mga area magdepende usab sa mga reports gikan sa intelligence unit kung asa epektibo kini nilang ipatuman.

Sa kasamtangan naga patuman usab sila sa regular nga pagpatrolya sa mga hilit nga barangay, para masiguro ang police visibility.

Giklaro usab sa opisyal sa kapulisan nga diha sa mga checkpoint lakip ang mga mahait nga hinagiban o bladed weapon ang kompiskahon kung kini masayran nga dili gamit sa matag adlaw nga trabaho sa naghupot niini.

Facebook Comments