Pagpahugot sa kwarantinas, gipatuman sa tanang mosulod sa Lugait, Misamis Oriental gikan sa Lanao del Norte

Mas gipahugtan karong panahona ang kwarentinas sa tanang mosulod sa Lugait, Misamis Oriental gikan sa Lanao del Norte.

Kini subay sa lagda sa Department of Health kon DOH isip standard operating procedure.

Nasayran nga ang tanang motorista ug pasahero nga moagi sa lugar ang motunob sa footh bath, ayha kini kuhaan og body temperature.

Sa higayon nga adunay indibidwal nga makitaan og taas nga temperatura, nakaandam ang ilang tent isip isolation area diin dunay mga doctor gikan sa Municipal Health Office.