Davao City – Angay lamang nga ipadayon sa gobyerno ug pakusgan pa ang kampanya niini batok sa droga dinhi sa nasud.
Sa pakighinabi sa DXDC Davao kang Ronaldo Rivera, Program Director sa City Anti Drug Abuse Council (CADAC), gisaysay niini nga dako ang nahimong kahimuan sa maong kampanya sa peace and order diin mi-ubos gayud ang crime rate sa nasud gawas pa sa mga benepisyo nga gihatag sa mga kanhi nalambigit sa iligal nga droga nga nagbag-o na sa ilang kinabuhi.
“Dapat ipadayon gyud ni Presidente Duterte ang iyahang kampanya kay naa naman tay mga nindot nga datus nga nakuha peace and order like pagsugod ani atong tokhang nationwide, mi-ubos gyud ang crime rate,” segun niini.
Samtang, uyon usab si Rivera sa ginapahigayon nga surprise drug testing sama na lamang sa gihimo sa sa Davao City Police Office bag-ohay lamang.
“Part sa mga government offices nga mag random testing. Mas maayo para mga wala ang adik sa PNP,” saysay niini.
Kahinumduman nga gibutyag ni Pangulong Rodrigo Duterte nga mamahimong mas dugoon pa ang mahitabo sa nahibiling tulo ka tuig sa kampanya batok droga ilawon sa iyang administrasyon.
RadyoMaN Kirby Manzon
