Pagpakusog sa police visibility sulosyon sa pag-undang sa patay sa Police Station 4

General Santos City–Mas gipakusgan pa karon sa Police Station 4 ang ilang police visibility sa ilahang area of responsibility aron nga mabati sa katawhan ang ilahang presenya sa matag adlaw.

Sumala pa ni PCI Joel Martinez nga pinaagi niini dako ang iyang pagtuo nga makunhoran ang mga krimen nga nahitabo ilawom sa ilang area hilabi na ang pag pamusil, pinaagi matud pa sa tabang sa mga force multiplier nga naggikan sa mga barangay aron mas mabantayan nila ang ilang area of responsibility.

Aminado usab si PCI Martinez nga malutsan gihapon sila sa dautang mga elemento bisan paman ug mas gipahugtan na nila ang ilang siguridad gumikan sila raman ang ginabantayan sa mga dautang elemento.


Dungan niini, nanawagan nalang ang opisyal sa katawhan nga tabangan sila sa pag bantay sa palibot ug dili mahadlok nga muhatag ug impormasyon sa kapulisan ugaling man aduna silay nahibaluan nga krimen sama nalang sa pagpamusil nga nahitabo sa ilang mga lugar aron gilayon nila kining masulbad.

Facebook Comments