Pagpamakal sang produkto nga palay sang mga mangunguma sa South Cotabato sa P19.00 kada kilo magaumpisa na.

20

Ginalauman nga makaumpisa na pamakal sa masunod nga semana ang BINTIKU Multi-Purpose Agricultural Cooperative sa produkto nga palay sang mga mangunguma dire sa probinsya sang South Cotabato sa presyo nga P19.00 wet palay.
Ini matapos nga aprobahan sang mga katapo sang Sangguniang Panlalawigan sa ginpatigayon nila nga regular session kahapon nga adlaw ang ordinansa nga nagahatag sang authority kay South Cotabato Governor Reynaldo Tamayo Jr., nga makamemorandum of agreement sa BINTIKU Multi-Purpose Agricultural Cooperative nga amo ang tugyanan sang P10 million para mamakal sang produkto nga palay sang mga mangunguma sa probinsya.
May-angot sini, suno kay Provincial Agriculturist Justina Navarete ila ginakalipay nga aprobado na kag kada munisipyo ang may-yara na sang listahan kon pila ka mga mangunguma sini ang makaavail.
Nahibaluan nga nagalab-ot sa 548 thousand metric tons ang target nga mabakal nga produkto nga palay sang BINTIKU Multi-Purpose Agricultural Cooperative.
Ginpahayag man ni Navarete nga ang pipila ka mga opisina sang provincial government sa gihapon ang magbakal sang bugas amo nga mabalik man sa LGU ang pondo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers