Pagpamatay dili angay ikabalaka

Davao City – Gipahugtan usab karon sa kapulisan ang ilang monitoring kalabot sa sunod-sunod nga pagpamatay nga natigayon dili lang sa syudad sa Davao ug ubang bahin sa rehiyon sa nasod.

Sumala ni Davao City Police Office (DCPO) Director P/Sr. Supt. Alexander Tagum, dunay lawom nga hinungdan ang natigayong pagpamatay nga maoy ilang ginasusi usab karong panahona aron mahatagan ug solusyon.

Tungod niini nanawagan si Tagum sa katawhan nga dili lang isalig sa police ug militar kundi apil na ang publiko nga magmabinantayon pinaagi sa pagreport sa mga awtoridad kung dunay mga mahitabo sa lugar.


Giingon ni Tagum responsibilidad usab sa katawhan ang pagsulbad sa kriminalidad pinaagi sa pagtunol og impormasyon sa kapolisan sa bisan unsang panghitabo.

Hinoon gipasabot usab ni Tagum, mintras nga dunay police ug militar nga magpatrolya sa mga lugar, way rason nga mag-armas ug magbaton sa mga personal bodyguards tungod kay andam gihapon mosumpo ang mga awtoirad sa bisan unsang krimen nga mahitabo.

Samtang sa kampanya batok loose firearms giingon ni Tagum nagpadayon karon ang ilang Oplan Katok, pinaagi sa pagsusi sa mga naghupot ug armas nga expired na ang mga lisensya ug awhagon nga ipa-renew.

RadyoMaN Bernard Pantallon

Facebook Comments