Pagpamomba sa cotabato-daghang anggulo ang gitutukan sa kapulisan

20

General Santos City–Daghang angulo ang ginasundan karon sa kapulisan sa nahitabong pag-pamomba nga nahitabo sa Cotabato City, bispiras sa bag-ong tuig sa usa ka mall sa maong syudad nga gikamatay sa duha ka biktima ug gikaangol sa 34 ka indibidwal.

Sumala pa ni Police Chief Supt. Eleseo Rasco ang Regional Director sa PRO-12 nga una nilang gina tan-aw nga angulo mao ang posibleng pagpanimalos sa teroristang grupo nga BIFF gumikan sa hugot nga operasyon sa military batok sa mga nahisgutan.

Ikaduha mao ang nag ka-grabi nga political rivalry sa kasamtangang mayor ug sa kalaban niini umaabot nga eleksyon; samtang ang ikatulo mao ang extortion, gumikan posibling ginapangayuan ug kwarta sa mga suspect ang nanaig-iya sa maong mall ug wala mihatag hinungdan nga gibombahan.

Sa kasamtangan nag padayon pa ang ilang ginahimong imbistigasyon sa maong panghitabo sa pagpanguna sa gimugnang Special Investigation Task Group-South Seas nga gipanunahan ni Police Sr. Supt. Eliver Enmodias ang Deputy Regional Director For Operation. (Dave Silangan)

Facebook Comments