General Santos City–Gikakurat sa mga silingan sa magtiayong gipamusil sa may Silway 8, Polomolok, South Cotabato ang nahitabo ngadto kanila.
Una nang gipamusil sa wala pa mailhing suspek silang si Rogelio ug Arlene Butay, fruit vendor, pulos residenti sa Purok Honey, Barangay Silway 8, Polomolok, niadtong nakalabayng gabie.
Sumala ni Purok Kagawad Angela Torres, silingan sa mga biktima nga wala man matud pay kalaban ang mga nasangpit sa ilang lugar gumikan mga butotan man ang mga nahisgutan.
Dugang pagbutyag ni Torres nga base sa pahayag sa duha ka anak sa mga biktima kansa saksi sa pagpamusil sa ilang ginikanan, sakay matud pa sa usa ka motorsiklo ang duha ka mga suspetsado.
Human sa pagpamusil, paspas nga mikagiw palayo sa lugar ang mga suspek. samtang ang mga biktima gidala sa ilang 14 anyos nga anak sa ospital.
Giangkon ni Torres nga bisan sila naglibog usab unsay motibo sa pagpamusil sa magtiayon. Hinuon sa kapon nagpadayon ang gihimong imbistigasyon sa kapulisan kalabutan sa maong insidenti.
