Pagpamusil sa mga sakay sa Ford Raptor padayong gi-imbestigahan sa Sta.Ana Police Station

498

Davao City – Blanko pa ang kapulisan sa Sta. Ana sa motibo sa pagpusil patay sa usa ka 40 anyos nga lalaki nailang Wilhelm Cubelo, residente sa Madaum, Tagum City human gipusil sa wala pa mailhing suspetsado kagahapon sa hapon Lunes (Marso 22,2021) sa J.P. Laurel Ave., Bajada, ning syudad sa Davao.

Sa esklusibong interbiyo sa DXDC RMN DAVAO kang Police Major Benkalin Baluan, Station Commander sa Sta.Ana Police Station, nagpadayon ang ilang gihimong imbestigasyon sa insidente.


Ang biktima nagsakay sa itom nga Ford Ranger Raptor pick-up, adunay plate number LAG 7341, kauban sa biktima ang iyang hinigugma nga si Lynrose Sarahena, 33 anyos, nagpuyo sa Phase 1, San Lorenzo Vill., Puan ning dakbayan.

Subay sa initial report sa kapolisan, gikan sa usa ka Inn ang biktima apan pag-abot sa nasangpit nga lugar kalit na lamang gipusil nga resulta sa iyang hinanaling kamatayon, samtang si Sarahena daling gidala sa Southern Philippines Medical Center (SPMC) aron matambalan.

Manhunt operation padayong gilusad sa kapolisan aron mailhan ug madakpan ang mga suspetsadong milayas.

RadyoMan Don Pulayao



Facebook Comments