Pagpamusil sa Polomolok-3 samdan

19

General Santos City–Personal grudge o problema sa yuta ang posibleng motibo nga ginasundan karun sa Polomolok PNP sa nahitabong pagpamusil sa usa ka pamilya nga silang Ronilo Tampaan, 35 anyos, minyo, Jumel Tampaan, 16 anyos, ug si Clifort Tampaan, 14 anyos kansa gipangpusil sa wala mailhing suspek alas 5:10 sa buntag niadtong milabay nga adlaw sa Purok 1-a Barangay Landan, Polomolok, South Cotabato.

Sa report nga natala sa Polomolok Police Station nasayran nga nakadawat ug tawag ang naasoyng estasyon gikan sa mga personahe sa compac sa nasampit nga Brgy. kalabutan sa maong panghitabo ug gilayon man usab girespondehan sa mga personahe sa PMPS ang lugar sa pagpanguna ni Police Leutenant Colonel Samuel Cadungon Ang labaw sa nasampit nga estasyon.


Basi sa imbestigasyon sa kapulisan nasuta nga migawas matud pa ang biktima nga si Ronilo sa iyang panimalay dihang kalit lang mitungha ang suspek sa lugar ug walay daghang estorya diretso pusil sa nasampit gamit ang wala matinong armas sa makadaghang higayon sa lawas niini padulong sa ilahang panimalay kung asa nakahimo pa pagtago ang biktima hinungdan nga naigo usab si Jumel samtang igo usab sa paa si Clifort.

Human sa panghitabo gilayon man usab gipangdala ang mga biktima sa mga nagpakabanang tawo sa lugar ngadto na usa ka pribadong ospital sa maong munisipyo samtang paspas man usab misibat ang suspek sa wala matinong direksyon human sa iyang gihimo

Nakuha sa kapulisan gikan sa crime scene ang 9 ka basiyo nga gituohang kalibre.45 nga pistola,1 ka buhing bala sa kalibre .45 nga pistola, 3 ka basiyo sa 12 gauge shotgun,2 ka basiyu sa carbine rifle,2 ka basiyu sa garand rifle ingon man 2 ka buhing bala sa garand rifle nga kasamtangan anaa na karon sa regional crime laboratory office 12 alang sa ballistic ug cross matching examination

Sa kasamtangan nagpabilin pang nagpaalim sa balay tambalanan ang duha ka biktimang si Ronilo ug si Clifort samtang gideklara man usab si Jumel ug out patient sa attending physician samtang padayon usab ang manhunt operation sa kapulisan ngadto na sa suspek sa posibleng masikop aron manubag sa balaod sa iyang nahimo. (Reynald Timario)

Facebook Comments

From Advertisers