General Santos City—Padayon pa karon ang gihimong imbistigasyon sa Polomolok Municipal Police Station sa usa na usab ka pagpamusil sa ilang Area of Responsibility partikular na sa Purok 5 Lagwang, Barangay Rubber alas-10:00 ang takna niadtong nakalabayng adlaw.
Giila ang biktima nga si William Ryan Carbajal, residente sa Bayan Subdivision, Barangay Magsaysay Polomolok.
Una nang gipusil ang biktima didto mismo sa maong lugar saw ala pa mailhing mga suspetsado.
Ayha ang pagpamusil nakit-an pa ang biktima nga adunay nakatxt sa iyang cellphone apan pila ka minutos ang nakalabay gipusil na ang nahisgutan igo sa nagkandaiyang parti sa lawas nga hinungdan sa iyang kamatayon.
Sa karon ginasuta pa sa kapulisan ang motibo sa krimen samtang nakig-alayon na sila sa pamilya sa biktima aron sayron kung duna ba silay nasayran nga posiblihng makatabang sa pagsulbad sa kaso sa biktima.
