Pagpamusil sa usa ka panday sa Tantangan, South Cotabato wala pa masayran nag motibo

General Santos City–Gikabutyag ni Police Captain Romeo Albano Jr. ang hepe sa Tantangan Municipal Police Station nga wala pa silay matumbok kung unsa ang motibo sa pagpusil patay sa usa ka panday nga si Eduardo Fernandez, 54 anyos ug nanimuyo Purok Upper Maligaya, Brgy.Poblacion Tantangan Sot.Cot niadtong adlaw nga Lunes pasado alas 7:00 sa gabie.

Sumala pa ni Albano nga wala pa silay nakuha nga witness gumikan kay nahadlok pa ang asawa niini nga mohatag ug pamahayag kalabutan sa panghitabo apan gipaklaro niini nga padayon ang ilang gihimong follow up nga imbestigasyon aron mahatagan ug kasulbaran ug maangkon ang hustisya sa pamilya sa biktima.

Pagpaklaro usab sa opisyal nga gikan matud pa nangumpra ang biktima uban ang asawa niini dihang gipangplastar niini ang ilahang mga pinalit sa ilahang sari-sari store kalit matud pang mibutho sa lugar ang duha ka wala mailhing suspek samtang ang usa maoy misulod sa panimalay sa biktima ug diretso pusil sa walay daghang estorya nga misangko sa pagkaigo sa upat ka higayon sa tiyan niini gamit ang kalibre .45 nga pistol.


Saysay man usab sa opisyal nga nadala pa sa balay tambalanan ang biktima apan paghidangat niini gideklara kining dead on arrival sa attending physician.

Samtang paspas man usab misibat ang mga suspek nga naglakaw lang papalayo sa lugar.

Facebook Comments