PAGPANG-BAKUNA SA TIPDAS UG RUBELLA IPAHIGAYON SUGOD KARUNG OKTUBRE 26 SA DAPITAN

21

Gikatakdang mopahigayon ang lokal nga buhatan sa Maayong Panglawas ubos sa kagamhanang lokal sa Dapitan ug pagpang-bakuna sa Tipdas ug Rubella karong adlawa Oktubre 26 kutob Nobyembre 25 ning kasamtangang.

Matod ni National Immunization Coordinator Asela Madura nga adunay ipahigayon nga Measles-Rubella Supplemental Immunization Activity (MR-SIA) para sa mga batang nag-edad 9 ka bulan hangtud 59 ka bulan o wala pay lima ka-tuig sulod sa maong mga petsa.


Gibutyag niini nga adunay nahitalang pagdaghan sa mga kaso sa tipdas sa mga kabataan sa dakbayan mao nga kinahanglan nga makontrolar kini.

Sumala pa nga dili angay kabalak-an sa mga ginikanan ang maong bakuna sanglit luwas ug susama gihapon kini sa naandang mga gipahigayon nga pagbakuna.

Subay niini, gihangyo ang mga ginikanan sa pakig-koordinar sa mga Barangay Health Stations alang sa dugang mga detalye mahitungod sa MR-SIA schedule diin magsul-ob sa face mask, face shield ug obserbahan kanunay ang social distancing. (CID-chichai)

Facebook Comments