Pagpang hold-up natuhaw sa New Washington; 21K nabuoe sa biktima

New Washington — Kapin sa P21,000 pesos rong nahabuoe sa biktima matapos nga gin hold-up Sabado it gabii sa Sitio Dumeog, Brgy. Poblacion, New Washington.

Ro biktima nakilaea kay Faith Joan Baarde, sa legal nga edad ag residente man it nasambit nga lugar.

Suno kay SPO3 Rowen Cipriano it New Washington PNP nga nagreport rong biktima sa andang opisina ag nagpanugiron nga samtang imaw naga pamaktason ko Sabado it gabii mga alas 10 pauli sa sanda hay pag-abot sa lugar nga natabuan it insidente ana nga napan-uhan nga medyo may naga sunod kana ag sa anang paglingot hay may sangka eaeaki nga armado it kutsilyo ag gin-agaw ro anang bag.


Sa kahadlok it biktima hay ana lang nga gintao rong bag kon sa siin idto naka butang rong kwarta.

Matapos rong insidente hay dumaeagan rong suspek paadto it direksyon Dumaguit nga uwa man nana makilaea.

Sa makaron hay sigidas pa rong imbestigasyon it New Washington PNP sa posibilidad nga makilaea rong suspek.

Facebook Comments