Pagpanghatag ug hinabang sa pangagamhanang probinsyal, gidepensa

Gidepensa sa Panggagamhanang Probinsiyal sa Bukidnon ang pagpanghatag ug hinabang nga nagsugod ning semanaha.

Sa interview sa RMN Malaybalay ngadto kang Hansel Echavez, Supervising Administrative Officer, Provincial Governor’s Office-Public Affairs Information and Assistance, gibutyag niini nga gikan sa surplus sa probinsya ang pondo nga gigahin niini susama kaniadtong mga ayuda nga fertilizer and seeds program nga gi-apod-apod sa mga kwalipikadong benepisiyaryo ning tuiga lamang.

Nasayran nga nagsugod na ang pag-apod-apod usab ug mga bugas ug canned goods isip ayuda ngadto sa mga kabus nga mga pamilya sa probinsya.


Depensa usab ni Echavez nga wala kini gihimo tungod lang sa nagkaduol nga elekisyon gani daw dili kini unang higayon tungod kay regular ang pagpanghatag niini sukad pa kaniadtong nakalabay nga tuig.

Plano usab sa PGB nga kada tuig na ang pag-apod-apod ug mga bugas sa mga kwalipikadong pamilya, kada season na usab ang pagrelease sa binhi ug abono agig pagtubag sa kapobrehon sa Bukidnon.

Facebook Comments