MANAPLA, NEGROS OCCIDENTAL – Indi matuod ang mga nagalagaw nga estorya nga may mga bata nga ginapang-abduct kag ginakuha-an sang mga vital organs sa Brgy. Tortosa kag Brgy. Punta Mesa sa banwa sang Manapla.
Ini ang ginklaro ni Manapla Municipal Police Station, Chief of Police, PS/Insp. Julius Ceasar Colado matapus naglanog nga balita sa amo nga lugar kag sa social media.
Nahibaluan nga ang amo nga paglapta sang sugilanon ang nga nagtuga gid lamang sang kahadlok sa mga pumuluyo ilabi na gid sa mga ginikanan.
Naga guwa sa imbestigasyon sang kapulisan nga duhol- duhol lang sang sugilanon ang tanan matapus gin siling nga may bata nga naka palagyo halin sa kamot sang mga suspek.
Suno sa istorya, ang bata nakapanugid nga ini sila ang ginsulod sa isa ka van kag ginbilinan sang P5 mil pesos ang lawas sang bata nga ila mabiktima matapos ini nakuhaan sang vital organs.
Pahayag sang hepe sang pulis, indi dapat basta-basta nga magpati sa kaangay nga mga sugilanon kon wala sang kumpirmasyon halin mismo sa utoridad./Auntyflo.com graphics
