Pagpanimals lakip sa mga ginatutukan sa militar pagpamomba sa Isulan

General Santos City— Aminado si Lt. Gen. Cirilito Sobejana, Commading Officer sa Western Mindanao Command nga dili gyud nila kayang butangan ug personahe ang matag kanto sa ilahang area of responsibility sama sa Isulan.

Saysay nga tungod daghan ug kalutsan ang maong lugar, nakalusot ang suspek nga nagdala ug bomba nga mibusikad sa Kalawag 3 nga miresulta sa pagka-angol sa walo ka tao.

Sumala naka-abot na kaniya ang impormasyon nga adunay extortion letter nga gipadala ang grupo ni Salahuddin Hassan sa BIFF, rason nga ilahang mas gipakusgan ang pagbantay sa siguridad.


Dugang pamahayag ni Lt. Gen. Sobejana, nga gawas sa extortion lakip sa ilahang ginatutukan mao ang posibleng pagpanimalos sa maong grupo. Kini gumikan, human ang nahitabong focus military operation nga ginahimo sa tropa sa gobyerno, nasamdan si Abu Toraype nga lider sa maong paksyon lakip na si Hassan.

Subay matud pa sa impormasyon nga naka-abot kanila, wala nay resources ang maong grupo rason nga migawas na aron sa pagpahigayon ug pagpangilkil.

Kalabot niini, gibutyag ni Lt. Gen. Sobejana nga ang pagpamomba ang usa sa mga pamaagi sa grupo ni Toraype aron nga makakuha ug pondo gikan sa foreign terror organization.

Gikasubo man usab niini, nga sagad sa mga biktima sa maong grupo mga sibilyan ug mga inosente, busa padayon ang iyahang panawagan ngadto sa publiko nga magpakabana.

Sumala niya nga usa ka desperadong lakang ang ginahimong pagpamomba sa paksyon ni abu toraype pamatuod lang kini nga huyang na ang ilahang grupo.

Facebook Comments