Pagpanubo sang covid-19 cases mas importante sang sa negosyo suno sa mga negosyante sa Bacolod

Naga-kumporme ang business sector sa Bacolod nga mas dapat unahon ang pagpanubo sang kaso sang coronavirus sangsa negosyo samtang epektibo ang Modified Enhanced Community Quarantine (MECQ).

Ini ang pahayag sa DYHB ni Frank Carbon, Chief Executive Officer (CEO) sang Metro Bacolod Chamber of Commerce and Industry (MBCCI) matapos nga na-istorya nila si retired Major. Gen. Melquiades Feliciano, deputy chief implementer sang National IATF nga yari karun sa ciudad sang Bacolod.

Suno kay Carbon, ginhingyo na nila kay Feliciano nga kuntani indi pagtam-an kahugot ang restrictions sa Bacolod agud madamo ang makabukas nga negosyo kag ibalik ang public transportation agud mabuhi ang ekonomiya.


Apang nag-ayo si Feliciano sa MBCCI nga hatagan siya sang duha ka semana agud matun-an ang mga data may angut sa COVID-19 situation sa Bacolod, agud mahibaluan ang masunod nga tikang, kag suno kay Carbon ila ini nahangpan.

Sa pihak nga bahin, ginkumpirmar ni Carbon nga nagsirado sa karun ang 888 China Town Square Bacolod bangud sang diutay nga customer kag pierde ang mall sa ila operating expenses.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments