Pagpanunog sa NPA sa Davco, ika-67 na ka kasong arson sa nasud

Bukidnon – Mikabat na sa 67 ka kasong arson nga ang gitudlong responsable ang mga New Peoples Army (NPA) sa tibook nasud.

Nasayran nga ang pinaka-ulahi mao ang nahitabong pagpanunog sa mga heavy equipment sa rebeldeng grupo sa Davao Agriculture Ventures Corporation (DAVCO) sa Brgy. Merangeran, Quezon, Bukidnon nga mao ang ika 67th nga arson attack ug ika-58th nga kaso sa Mindanao nga gibasol sa mao nga grupo.

Una nang gipmahayag ni SPO3 Reynold Bangcong, ang imbestigador sa Quezon Municipal Police Station sa interview sa RMN nga apil sa kasong gipasaka batok sa 150 kapin ka mga NPA ang destructive arson, robbery ug economic sabotage gumikan sa nahitabong paglusob.


Nasayran nga apil sa gisunog sa mga rebelde ang boom spray tractor, boom harvester, duha ka nurse trucks ug generator.

Una nang gi-angkon sa New Peoples Army – South Central Bukidnon – Sub regional Command (SCB-SRC) nga sila ang naghimo ug pagpanunog sa mga ekipo ug pagdis–arma sa mga gwardiya sa mao nga multinasyunal nga kompanya.

Sa sulat pamahayag nga gipadala sa RMN gikan ni Ka Malem Mabini, ang tigpamaba sa New People’s Army- North Central Mindanao Region (NPA-NCMR) gibutyag niini nga ikatulo na kini ka higayon nga ilang gilusob ang mao nga kompanya isip hugot nga pahimangno nga dili na mag-ekspand sa ilang agri-ventures sa ubang lugar aron maprotektahan ang uban pang kayutaan.

Gipahayag pa niini nga gawas sa ekipo nga ilang gisunog, mukabat usab sa 22 ka armas ang ilang nakumpiska.

Unsay imong masulti bahin niini?

Facebook Comments