Pagpasok Ng Bandidong Abu Sayyaf Group Sa Cebu, Itinanggi Ng Philippine National Police

CEBU CITY – Itinanggi ng Philippine National Police ang ulat kamakailan na napasok na ng bandidong Abu Sayyaf Group ang Cebu.Ayon kay Central Visayas Police Regional Office – Intelligence Group Chief Supt. Julian Entoma, base sa isinagawa nilang validation ay wala namang Abu Sayyaf sa nasabing lungsod.Sa kabila nito, nagtaas pa rin ng alerto ang PNP – Central Visayas.Hinikayat din ni entoma ang publiko na manatiling mapagmatiyag sa anumang kahina-hinalang kilos.Samantala, aminado naman ang Armed Forces of the Philippines (AFP) na bigo itong mabantayan nang 100 porsiyento ang galaw ng mga bandido na nagkukuta sa Basilan, Sulu at Tawi-Tawi.Ayon kay AFP Pio Chief Col. Edgard Arevalo, kulang sa mga asset ang militar sa Western Mindanao para i-monitor ang galaw ng mga bandido na aniya’y humahanap din ng diskarte para makapuslit sa operasyon ng militar.

Facebook Comments