Pagpatay sa contractor padayong gisusi

41

Davao City – Blanko pa ang kapulisan sa San Pedro sa motibo sa pagluba-patay sa 47 anyos nga contractor nga si Julieto Aranguez nahitabo sa V. Mapa St., Brgy.10-A, syudad sa Davao.

Sa interbyu sa DXDC RMN Davao kang P/Msg. Ritcie Paul Lozano, inbestigador sa Presinto Dos, gibutyag niini nga ila pang gipalapdan ang inbestigasyon aron mailhan ang suspect nga midunggab sa biktima.

Matud ni Lozano, base sa pahayag sa pamilya ni Aranguez ug mga kauban sa trabaho wala kini kontra o kalaban.

Giingon ni Lozano, ilang gisusi karon ang cellphone sa biktima aron makakuha sila og dugang inpormasyon kabahin sa pagpatay.

Si Aranguez, nakahiagom og duha ka dinunggaban sa wala nga bahin sa lawas human gidunggab sa wala mailhing tawo.

Gidala pa kini sa San Pedro Hospital apan gideklarang dead on arrival sa attending physician.

RadyoMaN Don Pulayao




Facebook Comments