Pagpatay sa fish vendor sa Tantangan, padayon pang giimbistigahan

18

General Santos City—Gikumperma ni Police Captain Kent Capadosa ang hepe sa Tantangan Police Station nga ilaha pang gipalawman ang imbestigasyon kalabutan sa pagposil patay sa usa ka fish vendor nga si Samuel Tobias, 43 anyos, minyo og nanimuyo sa Purok 6 Brgy.Mangilala Tantangan , South Cotabato.

Dugang asoy ni Capadosa nga niadtong higayona nag-inum matud pa ang biktima uban ang iyang anak mismo sa ilang panimalay dihang kalit lang gisulod sa wala mailihing suspek og deretso pusil sa nasampit.


Samtang saysay man usab ni Capadosa nga wala pa silay nadawat nga impormasyon kung duna bay nakalaban ang biktima gumikan kay pulos mga paryente lamang ang kauban sa gipuy-an niini.

Samtang gipaklaro usab ni Police Captain Kent Capadosa nga duna silay witness tungod kay kauban sa biktima ang iyang anak niadtong higayona og nakita sa anak ang suspek ang miposil sa iyang amahan apan wala lang nailhan niini ang suspek gumikan paspas lang kaayo ang panghitabo. (Reynald Timario)

Facebook Comments

From Advertisers