Indi masiguro kon ginbayluhan gid man sang engkanto ang duha ka bulan nga bata sa barangay Cayos, Dumangas, Iloilo.
Sa paathag sang kilala nga psychic nga si Allan Consing, ginpahayag niya nga posible nga gin-ilisan sang taglugar ang bata kag posible man nga napatay lang gid bangud sa kon anuman nga kabangdanan.
Suno sa iya nga may mga kaso gid man nga nagakatabu ang pagbaylo sang taglugar sa mga tawo.
Subong man agud makasiguiro, ginpanugyan sini sa pamilya nga kuntani ginkuhaan sang DNA sample ang bata kag kon mag-match sa DNA sang ginikanan nagapatimaan nga wala ini ginbayluhan kundi napatay gid lamang.
Nahibaluan nga ginhaboy sang iloy sa ila bintana ang lawas sang bata nga naputos sa comforter base sa ginhambal sa ila sang surwano agud mabal-an kon ginbayluhan gid man ini.
Apang daku ang ila kakibot sang magtupa sa duta ang comforter kag sang ginlantaw , wala na ang lawas sang bata kag sa baylo may nakita sila nga buhok sang kanding.
