Pagpeke og RT-PCR result posibleng masilotan

38

Davao City – Giduso karon sa 19th Davao City Council pinaagi ni Councilor Maria Belen Acosta, chair sa Committee on Peace and Public Safety ang ordinansa sa pagpahamtang og silot sa mga indibidwal nga madakpang naga presenta og peke nga RT-PCR (reverse transcription-polymerase chain reaction) result.

Atol sa unang session sa tuig 2021 sa Davao City Council kagahapong adlawa (Enero 5, 2020), gisaysay ni Acosta nga aron kalikayan nga magkadaghan ang pagpameke og RT-PCR result, kinahanglan magbaton na og ordinansa ang syudad alang niini.


“To prevent the surge of this violation, the Committee on Peace and Public Safety was requested by the Office of the City Mayor to propose an ordinance penalizing any person from using or presenting tampered or falsified RT-PCR test result,” segun ni Acosta.

Gibutyag ni Acosta nga sa report sa Davao City Police Office (DCPO) anaa na sa 22 ka mga indibidwal ang nadakpan tungod sa pekeng RT-PCR result pasulod sa Davao diin kadaghanan niini miagi sa Davao International Airport (DIA).

Dugang sa konsehala nga posible’ng walay kahibalo ang nahisgutan nga adunay libre’ng RT-PCR testing sa Davao City o bin ba kaha kini ilang personal nga interes.

RadyoMaN Kirby Manzon




Facebook Comments