Pagpreserba sa pamilya angayang hingusgan sa mga magbabalaod sigun ni Archbishop Cruz

81

Bukidnon – Maka-uulaw matud pa ang gidusong dissolution of marriage bill ni House Speaker Pantaleon Alvarez.

Sa interview sa RMN Malaybalay ngadto kang Archbishop-Emeritus Oscar Cruz gibutyag niini nga kung naay problema si Alvarez sa iyang pamilya dili angayan nga apilon ang tibook nasud.

Dugang pa ni Cruz nga mas maayo nga ilang tutukan ang pagpreserbar sa pamilya ug dili ang pag-guba niini.


Makalolooy usab daw ang mga bata nga maoy mas apektado.

Gidugang pa niini nga nakalatid sa constitution nga angayan respituhon sa estado ang panaghiusa sa magtiayon ug pamilya ug nakalatid usab kini sa family code of the Philippines.

Una nang gipasabot ni ACT-Teachers Rep. Antonio Tinio, co-author sa Dissolution of Marriage Bill atol sa interview sa RMN Malaybalay nga dili kini adversarial buot ipasabot nga kung nagkasabot ang magtiayon nga magbulag, mahatagan ug higayon nga magkabulag sa paspas nga pamagi apan legal.



Facebook Comments