Pagproseso sa biyahe gawas sa rehiyon gikalipay

39

Davao City – Gikalipay sa mga na stranded nga indibidwal ang pagproseso na karon sa Land Transportation Franchising and Regulatory Board (LTFRB) sa biyahe gawas sa Davao Region.

Sa reaksyon ni Tristan Perez sa post sa DXDC 621 RMN Davao, nalipay kini gumikan kay aduna kini transaksyon sa General Santos (GenSan) City ug Cagayan de Oro City.


Samtang nalipay usab si Markent Alising ug Daniel Tran gumikan kay aduna kini biyahe padulong sa Cotabato City.

Sa interbyu sa DXDC RMN Davao kang Aiza Usop, Manager sa Davao City Overland Transport Terminal (DCOTT) nga ginalihok na sa LTFRB ang biyahe gawas sa rehiyon onse ug muhatag usab og go signal ang LGU gawas sa rehiyon ayha ang operasyon apan wala pay eksaktong petsa alang niini.

Sa pagkakaron nagpabiling sa sulod sa Davaon Region ang provincial buses diin 48 ka biyahe matag adlaw ang gi-apruhan sa kasamtangan.

RadyoMaN Kirby Manzon

Facebook Comments