Pagproseso sang travel authority mangin madasig lang, ini ang pasalig sang provincial director

14

Ginapasalig ni Negros Occidental Police Provincial Office (NOCPPO) director Police Colonel Romeo Baleros nga madasig lang ang proseso sang pagkuha sang travel authority para sa mga magabyahe sa iban nga probinsiya ukon rehiyon.

Nahibaluan nga ang Department of the Interior and Local Government (DILG) ang nagmando sa Philippine National Police (PNP) nga maghatag sang travel authority sa tanan nga residente nga may plano magpadulong sa iban nga lugar.


Agud makakuha sang travel authority, kinahanglan sang isa ka indibidwal nga magpangayo sang certification sa ila barangay ukon sa ila health office kag dal-on ini sa ila local police nga amo na ang maga-proseso padulong sa provincial director ukon regional director.

Kun ang indibidwal gikan sa isa ka probinsiya kag magakadto sa isa man ka probinsiya, ang police provincial director ang maga-approve sang iya travel authority, kag kun sa iban naman nga rehiyon, ang regional director naman ang magahatag pahanugot.

Suno kay Col. Baleros, madasig lamang ang proseso sang pagkuha sang travel authority bangud online ini gamit ang Viber ukon Messenger.

[image: image.png]

Facebook Comments