Pagpusil patay sa kanhi miyembro sa NPA ug habal-habal driver, padayong gi-imbestigahan

Padayon pang gi-imbestigahan sa kapulisan sa Lagonglong, Misamis Oriental ang nahitabong pagpusil patay sa kanhi miyembro sa New Peoples Army kon NPA ug usa ka habal-habal driver.

 

Kini ang gibutyag ni Police Inspector Danilo Popera, Hepe sa Lagonglong Municipal Police Station sa interview sa dxCC-RMN.

 

Matud ni Insp. Popera nga niadtong Miyerkules gipusil patay sa managlahing higayon ang mga biktimang sila Joy Carlo Canios, 22 anyos, kanhi miyembro sa NPA ug ang habal-habal driver nga si Jovannie Panhay, 29 anyos nga parehong taga Sitio Roa-roa, Barangay Umagos, Lagonglong, Misamis Oriental .


 

Nagtoo ang kapulisan nga posibling ang pagbalik ni Canios sa sabakan sa gobyerno ang hinungdan nga kini gipatay.

Facebook Comments