Pagpusil-patay sa minor gi-imbestigahan sa Tagum PNP

28

Tagum City – Padayong nanawagan ang Tagum City Police Office sa kinsa ang makatudlo sa mga suspek sa insidenting pagpusil-patay sa usa ka menor de edad niadtong Martes (September 22, 2020) sa Purok Santan, Barangay Bincungan, Tagum City, Davao del Norte.

Naila ang biktima nga si alias “John”, 15-anyos, residente sa nahisgutang barangay.

Subay sa inbestigasyon, pasado alas-7 sa gabii, pauli ang biktima sa dihang kalit na lamang gipusil sa naka motorsiklo sa makadaghang higayon.

Gilayong gi-respondehan sa Barangay tanod ang biktima apan dead on arrival na kini sa Davao Regional Medical Center sa Brgy. Apokon sa maong syudad.

Abri usab ang hotline numbers ug social media accounts sa Tagum PNP (Tagum Pcr/ Tagum City Police Station) o ang pag-text sa 24/7 Tagum Police Hotline 0926-717-1522 / Chief of Police (COP) Tagum City 0926-717-1434, sa kinsa’ng makahatag og dugang inpormasyon aron madakpan ang mga responsable sa maong insidente aron masuta ang motibo sa krimen.

RadyoMaN Kirby Manzon

Facebook Comments