Pagpusil patay sa White Kulaman Barangay Kagawad sa Kitaotao, Bukidnon, padayong gi-imbestigahan

26

Padayong giimbistigahan sa militar ang motibo sa pagpusil patay kang Barangay Kagawad Romeo Bantilan Jr. sa Sitio Hindangan, Brgy. White Kulaman, Kitaotao, Bukidnon.

Matud ni 403rd Infantry Brigade civic military operations officer Capt. Norman Tagros, nga gipusil ang biktima sa usa ka alyas Aman sa Guerilla Front 53 sa New Peoples Army sa Southern Mindanao Regional Committee, gamit ang AK-47 rifle kauban ang lima ka armadong lalaki nga nagsilbing lookouts.

Nasayran nga lima ka samad pinusilan ang naangkon sa biktima, kinsa unang gikareport nga gipugos sa mga rebeldeng ipabiya sa maong dapit apan wala kini misugot.

By: RadyoMaN Ellah Baculio

Facebook Comments