Pagrelib sa 9 ka intel sa banga PNP warning sa tanang pulis sa South Cotabato

General Santos City— Nagpabilin na karon sa Office Of The Provincial Director sa South Sotabato ang 9 ka mga intel operative sa Banga PNP human nga gipang-relib.

Sumala kang Police Senior Superintendent Joel Limson, Provicinal Director sa SCPPO nga sa karon padayon pang gina-evaluate ang status sa mga wala gihinghanlang miyembro sa intel kung angayan pa ba silang ibalik sa initelligence unit o dili.

Sa karon matud pa ginasuta pa kung asa posibleng i-assign ang mga nahisgutan higayon nga dili na sila ibalik sa intel unit. Dugang pamahayag ni PSsupt Limson nga adunay daghang hinungdan nganong gi-relib ang sama nalang matud pa sa mubo nga performance.


Sumala niya nga isip miyembro intel unit, aduna matud pa mga tahas nga kinahanglang tumanon ug higayon nga dili nila mahimo ang ilahang trabaho apektado ang perforamance sa mga police station.

Kini gumikan tanan matud pa nga operasyon sa usa ka police station ang maggikan gyud sa trabaho sa intel unit.

Kalabot niini, gibutyag ni PSsupt. Limson nga warning ngadto sa tanang mga personahe sa South Cotabato Police Office ng iyahang gihimo ngadto sa mga personahe sa Banga PNP.

Busa iyaha karong gi-awhag ang tanang pulis sa probinsya nga dili gyud magpatamad-tamad gumikan adunay mga evaluation nga gihimo ngadto kanila.

Tumong niini aron nga mabutang sa saktong posisypon ang mga ulis nga nagatrabaho ug sakto ug mapahawa ang mga walay ginahimo kundili ang magdawatan lang ug sweldo.

Facebook Comments