Pagsaka sa youth suicides sagpa sa Davao City

12

Davao City – Gikasubo og maayo sa Parents Mobilization Action Group (PMAG) ang pagkabutang sa Davao City isip ikatulo nga dakbayan sa tibuok nasud nga dunay pinakataas nga kaso sa suicide sa mga kabatan-onan.

Sumala ni PMAG focal person Febe Matthew nga sagpa kini sa atong siyudad tungod kay mapila ka higayon napili ang dakbayan isip Child-Friendly City apan daghan diay sa mga kabataan nagpakamatay.

Ang pag-suicide sa mga batan-on karon may dakong kalabotan sa gibati nga frustration ngadto sa mga ginikanan maingon sa social media.

Ug gumikan niini nga stigma karon wala nay panahon ang mga ginikanan sa ilang mga anak busa walay masultihan sa mga suliran ang mga batan-on mao musangko na lang sa suicide, segun ni Matthew.

Giawhag ni Matthew ang mga ginikanan nga ipasabot og maayo ngadto sa ilang mga anak kun unsa ang disbentahe sa suicide aron matuhog ang sangputan sa ilang pagpakamatay.

Gidasig pa sa focal person ang Department of Social Welfare and Development (DSWD) nga mupahigayon og mga programa nga magpalig-on sa emosyon ug relasyon tali sa mga anak ug sa mga ginikanan aron malikayan ang pagsangpot sa pagkutlo sa kaugalingon nga kinabuhi.

RadyoMaN Joel Viray

Facebook Comments