PAGSAYLO SANG OPENING SANG KLASE SA AGOSTO, GINPAATHAG SANG CHED.

Ginpaathag karon sang Commission on Higher Education ang tinutuyo sang pagsaylo sang pagbukas sang klase sa mga State Universities and Colleges (SUC’s) kag Local Universities and Colleges (LUC’s) halin sa bulan sang Hunyo pakadto sa Agosto.
Ginpahayag ni CHED Region 6 Officer in-Charge Edilberto Orillos nga ang memorandum nga ginpaguwa sang Central Office indi compulsory kundi gina-engganyo lamang sini ang mga SUC’s kag LUC’s nga idungan ang ila Academic Year sa Fiscal Year para sa pagpatuman sang free College Education.
Ginpaathag ni Orillos nga agud ma-avail sang mga estudyante ang full nga free tuition, dapat magsantu sa Fiscal Year ang Academic Year para sa availability sang pondo.
Pinaagi sini, mahulog ang first semester sa bulan sang Agosto tubtub Disyembre nga masakop sang current nga Fiscal year kag sakop sini ang pondo para sa tuition sang mga estudyante samtang ang second semester maga-umpisa naman sa Enero tubtub Mayo nga masakop naman sang amo nga Fiscal Year kon sa diin naparteneser naman ang pondo para sa tuition sang mga estudyante.

Facebook Comments