ILOILO City – Nanindugan si Mayor Jose Espinosa III nga wala niya ginapilit ang mga elected barangay officials nga magsumpa sa iya.
Suno sa alkalde wala sya sang may gintawgan agud obligahon nga magsumpa sa iya.
Panghangkat sang alkalde kun may makapamtuod nga ginapilit niya ang mga newly elected officials nga magsumpa sa iya malumpat sya sa bintana sang bisan diin man nga panalgan sang city hall.
Paathag sang alkalde wala man sang limit sa magsumpa bangud bisan sin-o pwede man makatake oath sa iya.
Ini ang sabat sang alkalde kasunod sang kritisismo nga may nagasumpa sa iya nga mga barangay officials bangud ginatawgan niya ang mga ini.
Kalakip sa nagsumpa sa alkalde amo punong barangay Keith “Dabing” Espinosa sang Monica Blumetritt, City Proper.
Photo via Iloilo City Government
