Aprubado na sa plenaryo ng Senado ang Senate Bill 2893 o ang Virology Institute of the Philippines (VIP).
Sa botong 19 na pabor at wala namang tumutol ay nakalusot sa ikatlo at huling pagbasa ang nasabing panukala.
Pangunahing nakasentro ang panukala sa virology research na nakakaapekto sa mga tao, mga hayop at mga halaman gayundin sa pag-develop ng bakuna.
Tugon din ang panukala sa lumalalang banta ng mga pathogens at disease-causing agents na posibleng maipasa sa mga living organisms.
Inaatasan din ang VIP na makipagtulungan sa Research Institute for Tropical Medicine (RITM) at sa iba pang research bodies upang mapalakas ang research and development sa bansa at hindi maging duplicative sa isa’t isa.
Partikular na mangunguna sa VIP ang Kalihim ng Department of Science and Technology (DOST) na siyang tatayong Chairman habang co-chairs naman ang mga Kalihim ng Department of Health (DOH) at Department of Agriculture (DA).
