Pagtimaan sa adlaw sa mga santos nagmalinawon , mga managkutay nireklamo sa grabing ka init

Nagpabiling malinawon ang pagtimaan sa adlaw sa mga santos sa dakbayan sa Sugbo.
Kini maoy inisyal nga assessment ni Cebu City Councilor Dave Tumulak, ang hepe sa Committee on Peace and Order sa dakbayan.
Matud ni Tumulak nga hapsay ang mga sitwasyon sa nagkadaiyang sam-ang sa syudad sa Sugbo,gawas lang sa mga natala nga mga tawo nga nakuyapan tungod sa kainit sa adlaw.
Sa monitoring ni Tumulak, tulo ka mga tawo ang nakuyapan sa nagkadaiyang sementeryo sa dakbayan ,hinoon ang mga pasyenti nahatagan na og dinaliang atensyon.

( mga managkutay nga niduaw na sa sementeryo)

Samtang ang PNP Regional Health Center nanghatag usab og mga vitamins alang sa mga police nga na-deploy sa Queen City Memorial Garden.


Facebook Comments