Pagtugyan ngadto sa PDEA sa anti illegal drugs operation kaniadto pa unta – Arch. Cruz; PNP, nabalaka sa epekto

17

Gikonsidera ni Archbishop Emeritus Oscar Cruz, ang kanhi presidente sa Catholic Bishops Conference of the Philippines (CBCP) nga usa ka maayong desisyon ang ginawa ni Pangulong Rodrigo Duterte nga pagbakwi sa gahom sa Philippine National Police (PNP) sa mga anti- illegal drug operations.

Sa interview sa RMN Malaybalay ngadto kang Archbishop Cruz, gibutyag niini nga trabaho gayod kini sa Philippine Drug Enforcement Agency kon PDEA.

Matud ni Cruz nga kaniadto pa unta sa pagsugod sa kampanya ang PDEA na maoy gipabuhat niini.

Samtang sa interview sa RMN Malaybalay ngadto kang PSupt. Lemuel Gonda, ang PNP 10 regional spokesperson sa gibutyag niini nga wala usab kini nagpasabot nga dili na sila manakop sa mga nalambigit sa illegal nga droga.

Dako matud pa kini ug epekto sa kampanya ug hayan mu-ubos ang accomplishment kalabot sa anti drug operations tungod kay gamay lamang ang manpower sa PDEA.

Samtang giklaro usab sa kanhi vice chairman sa Dangerous Drugs Board nga obligado pa gihapon ang kapulisan nga dakpon ang mga masapon nga nagbaton ug illegal nga droga.

Sa interview sa RMN ngadto kang Atty. Clarence Paul Oaminal, gibutyag niini nga bugtong gidili lang sa direktiba sa pangulo sa PNP mao ang pagpanguna sa mga anti illegal drugs operation, o paghimo ug mga planadong operasyon batok sa droga tungod kay gitugyan na kini ngadto sa PDEA.

Gipasabot ni Atty. Oaminal nga dili mamahimong talikdan sa PNP, BOC ug NBI ang mga kriminalidad nga adunay kalambigitan sa illegal nga droga.

Kaya kaha sa PDEA ang pagsumpo sa problema illegal nga droga?

Facebook Comments