Pagtukod sa Davao City Hospital pasado na

Davao City – Giaprubahan na kagahapong adlawa (Mayo 4, 2021) sa ikatulo ug katapusang pagbasa sa 19th Davao City Council ang “Davao City Hospital Ordinance” o An Ordinance for the Establishment & Construction of a Level III General Hospital in Davao City & Appropriation of Funds therefor and for other Purposes.

Gawas sa pag-cater og mga balatian ug uban pang medikal nga serbisyo, ang balay tambalanan magsilbing pasilidad usab alang sa Coronavirus Disease 2019 (COVID-19) response sa lokal nga panggamhanan aron ma-decongest usab ang Southern Philippines Medical Center (SPMC).

Ang Davao City Hospital nga usa ka 100-bed Level III Training Hospital tukuron sulod sa University of the Philippines Mindanao Campus sa Bago Oshiro, Mintal, Davao City.


Kuhaon usab ang budget sa proyekto gikan sa Bayanihan to Heal as One Act of 202 ug sa Health Facility Enhancement Program sa National Government nga gitagana sa syudad.

Dako usab ang pagpasalamat ni Davao City Councilor Mary Joselle Villafuerte, ang proponent sa ordinansa, sa Davao City Council ug sa City Government of Davao sa maong dakong proyekto nga dako usab og tabang sa Davaoeños.

RadyoMaN Kirby Manzon

Facebook Comments