Pagtukod sa Drug Abuse Treatment and Rehabilitation Center sa Sarangani, gikatakdang sugdan na

37

General Santos City–gikatakdang sugdan sunod simana ang konstraksyon sa tukurong Drug Abuse Treatment and Rehabilitation Center sa probinsya sa Sarangani human gipahigayon ang ground breaking niini kagahapong adlawa.

Sumala ni Jin Yuan ang Economic And Commercial Counselor sa Chinese Embassy to the Philippines nga mamahimo matud pang paspas ang pagtukod sa Drug Rehab Center nga gihatag sa goberno sa China ngadto sa Pilipinas aron usab nga gilayon nga magamit.

Nasayran nga mukabat ngadto sa P350,000.00 ang pundong gigahin sa maong rehab center nga itukod sa 3 ka iktaryng luna sa Barangay Kawas, Alabel. Target mahuman ang may 150 bed capacity nga Rehab Center sulod sa 21 ka bulan.

Nasayran nga gawas sa Sarangani magtukod usab ug Rehab Center sa probensya sa Agusan, kansa gidunar usab sa China Government.

Kung kahinumduman nga nahimong posible ang pag patukod ug rehab center sa Pilipinas gikan sa China human nga mibisita si President Rodrigo Duterte sa maong nasud aron makigtagbo kang China President Xi Jin Ping niadtong nakalabayng tuig. (Dave Silagan)

Facebook Comments